شعر شعبي طبع بينة الجــــــرح

عدد المساهمات : 111 تاريخ التسجيل : 15/09/2009

يلعيونك سمه وطول الحواجب ليل
ضمني بسمه عيونك اسهرواغفه
ويا ضي الوجه يالماطفيت بيوم
صدكني الكمر من يشتعل يطفه
ويا قوس القزح كل ساعه اشوفك لون
ويمر مرات لونك بيه ما عرفه
تحل ليل الشعر حد مايلوح الكاع
وتعظ الزلوف بدورة الشفه
طبع بينه الجرح ندعيله حتى يطيب
الك بيه جرح ادعيله مايشفه
وتسالني شعجب ماوصفيتك يوم
وانه الحايربظلك لسه مموصفه
يبو صوت اليغرد ياسحر فيروز
لك اجمل لحن بشفافك تعزفه
تمر مثل النهر والخطوه روجة ماي
واظل لنه اعله جرفك حاصد الوسفه
ويالخصرك مدور كمر عالي بعيد
مد ايده الكلب مالاحك بجفه
ويكولون التمر ينضرب بيه امثال
اشو جبت التبرزل صارلك حشفه
من عينك نده ينزل وشوفه يطيح
يلتم بورود جفوفك الترفه
تلتف اعله طولك كل نجوم الليل
ويجي ينام الكمر متوسدك صفه
واظم سرك عليه وما ابوحن بيه
واذا دمعك بعينك عيني لتذرفه
كل اصبع بجفك يضوي شمعه بليل
وكل خصلة شعر من كذلتك عفه
يا جمار عالي وما ظن تنلاح
لان عثكك هدل ماشالته السعفه
اذا بميزان ناته وكل حواري العين
ماظنن لغيرك تنزل الكفه
احلى من العسل بالشفه من تنظاك
ومرح مثل النسيم ودمك شخفه
حدر زيجك نهر مضموم ما ينشاف
لان الله طبكها الضفه علضفه
يا اول نده ينكط شعر للروح
ويلمشذر محبه وضحكتك زفه
شمس الله واكبر نزلت اعله الكاع
اجت يمك حبيبي تريد تدفه

» شعر شعبي حلو
» شعر شعبي ___ بعيد عن العراق